Dy shqiptarë janë vënë në pranga nga policia italiane ditën e djeshme. Ata janë kapur me 5.5 kg kokainë. Hetimet ndaj tyre kanë nisur vitin e kaluar. Mediat italiane bëjnë të ditur se B.P. është arrestuar në flagrancë në Pietrasanta, me 5.5 kg kokainë.
Në pranga ka përfunduar edhe bashkëpunëtori i tij, Z.E., i cili ka tentuar të largohet kur ka parë arrestimin e shokut.
Pas verifikimeve, policia ka arritur në përfundimin se të ardhurat e deklaruara të Z.E. nuk e justifikonin jetën që ai bënte dhe në këto kushte i kanë sekuestruar 10 mijë euro kesh, shtatë makina, një motor, llogari bankare dhe aksione në vlerën 140 mijë euro, të gjitha pasuri që dyshohet se janë ngritur me anë të përfshirjes në trafikun dhe shpërndarjen e lëndëve narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
