Vapa ka arritur rekord në Kinë. Pekini ka njoftuar se gjatë fundjavës merkuri arriti në 52.2 gradë Celsius në veriperëndim të vendit, gjë që nuk kishte ndodhur kurrë në mes të korrikut. Sipas Administratës Kombëtare Meteorologjike, ishte një stacion meteorologjik në fshatin Sanbao, në rajonin Xinjiang, i cili regjistroi temperaturën maksimale në orën 19:00 të 16 korrikut. Vendndodhja gjeografike Sanbao ndodhet në pellgun Turpan, një zonë e shkretëtirës nën nivelin e detit, ku janë regjistruar disa nga ndryshimet më ekstreme të temperaturës në Kinë, nga temperaturat shumë nën zero në dimër deri tek vera përvëluese. Vala e të nxehtit ka goditur edhe në Evropën Jugore. Krahas Italisë, Spanjës dhe Greqisë, edhe Rumania po përballet me një vapë të paprecedentë, me temperatura maksimale deri në 39 gradë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
