Kryetari i Bashkisë së Tiranës Erion Veliaj ka reaguar për herë të parë pas vendimit të Këshillit të Ministrave për shkarkimin e tij, vendim që është ankimuar në Gjykatën Kushtetuese.
Përmes një postimi në “Facebook”, ku Veliaj u përgjigjet letrave të qytetarëve, ai shkruan: “Mirënjohje për qindra letrat tuaja, që më japin kurajë çdo ditë. Jam mirë, më i fortë e më i vendosur se kurrë në betejë me të ligën!”.
Kryebashkiaku ka publikuar një pjesë nga një rrëfim noterial i shtetasit italian Gabriele Tarroni Longinotti, për të cilin thotë se është baza e akuzave ndaj tij. Ai vë në dukje se hetimet e nisura ndaj tij kanë qenë "një kurth që prodhoi një hetim të paligjshëm nga anonimati".
“Po postoj për të gjithë, rrëfimin e parë të një serie rrëfimesh, nga ata që, me ose pa dashje, kontribuan në kurthin e ngritur ndaj meje, që prodhoi një hetim të paligjshëm nga anonimati, një vetting 20 vjeçar të të gjithë jetës sime nga rinia, një Kryeqytet të sabotuar teksa ishte në kulmin e suksesit, një persekutim çnjerëzor të familjes sime, e një izolim grotesk, si të isha kriminel lufte apo drejtues kartelesh”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
