Qytetari Ermal Mustafaraj ka denoncuar tek emisioni "Xhadat” sorollatjen për transferimin e të birit nga gjimnazi "Myslim Shima", te ai “Petro Nini”. Arsyeja e transferimit ishte se i biri ishte përfshirë në një aksident nga ku kishte mbetur i dëmtuar dhe kishte nevojë për fizioterapi. Qendra e saj ishte pranë gjimnazit “Petro Nini” dhe oraret për ndjekjen e saj ishin fill pas përfundimit të mësimit. Sipas qytetarit, shkolla ku djali mësonte kishte kryer procedurën e transferimit online, por diçka nuk kishte shkuar siç duhet.
Pas regjistrimit të shqetësimit “ Xhadat” ju drejtuan Zyrës Arsimore Tiranë për adresimin e rastit. Kjo e fundit pasi i kërkoj denoncuesit të sillte fizikisht disa dokumenta, e zgjidhi rastin brenda ditës.
Transferimi i nxënësit në shkollën ku ka afër dhe qendrën e fizioterapisë u krye, teksa prindi falenderoi emisionin “Xhadat” dhe Zyrën Arsimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
