Në ditët e para të vitit policia rrugore ka pezulluar 34 leje drejtimi për tejkalim të normave të shpejtësisë dhe 28 të tjera për drejtim mjeti nën efektin e alkoolit.
Policia ka vijuar me monitorimet në akset kryesore të vendit, duke shtuar përdorimin e dragerave dhe radarëve me qëllim parandalimin e aksidentetve rrugore, për shkak edhe të abuzimit me aklookin në këto ditë festive.
Aktualisht në akset kryesore të vendit, Policia është duke përdorur 6 radarë.
Po kështu kontrollet janë përqëndruar edhe në brendësi të qyteteve dhe në akset kryesore rurale duke përdorur dhjetëra akooltestues, me qëllim parandalimin e drejtimit të mjetit nën efektin e alkoolit apo në gjendje të dehur.
'' Policia Rrugore do jetë prezente kudo, me radarë e dragera, jo për të shtuar numrin e gjobave, por për të parandaluar kërcënimin e jetës në rrugë, nga këta drejtues mjetesh që abuzojnë me rregullat dhe normat e sjelljes në rrugë.'' thuhet në njoftimin e policisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
