Nga Korça, kryetari i PBDNJ Vangjel Dule ka komentuar arrestimin e kryetarit të bashkisë Himarë Jorgo Goro si një lëvizje e kryeministrit Rama, raporton korrespondentja e MCN TV.
Sipas Dules janë "lëvizje marionetash në teatrin e hijeve që kërkojnë të ngrejë Rama në Himarë". Sipas tij, në Shqipëri "duhet të respektohet ligji, kushtetuta, konventat europiane, duke e konsideruar "një njollë të pashlyeshme për një shtet të së drejtës mbajtjen e Fredi Belerit në burg".
Vangjel Dule ka vijuar më tej kur e ka cilësuar arrestimin e Goros "si një lëvizje politike të orkestruar nga dirigjenti Edi Rama", duke e cilësuar Goron, sikurse edhe eksponentë të tjerë të PS-së, si "viktimë të lojës së kryeministrit shqiptar".
I pyetur nëse po përgatitet Vangjel Tavo si kryetar bashkie në Himarë, Dule thotë se "nuk ka lëvizje marionetash në skenën e teatrit të hijeve që z.Rama po përpiqet të ngrejë në bashkinë e Himarës, që mund të sugjestionojë qytetarët, forcat politike, që e dinë realitetin dhe planet diabolike të z.Rama me pronat në Himarë".
Këto deklarata kryetari i PBDNJ i ka dhënë nga Korça në aktivitetet e zhvilluara në nder të festës kombëtare greke.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
