Asnjë funeral shtetëror për Alain Delon/ Dëshira e tij: Dua të varrosem pranë qenve të mi

Për aktorin dhe producentin Alain Delon, i cili ndërroi jetë dje, nuk do të zhvillohet asnjë funeral shtetëror.

Alain Delon do të varroset në mesjavë në Douchy, me një ceremoni private.

Këtë e ka bërë të ditur BmfTv sipas së cilës ceremonia do të zhvillohet në vendin ku janë varrosur 35 qentë e tij, duke respektuar vullnetin e ikonës së kinemasë franceze që i adhuronte katërputroshat. 

Vet Alain Delon në një intervistë të vitit 2018, kur u pyet nëse do kishte dëshirë për një nderim kombëtar pas vdekjes, ceremoni publike në prani të zyrtarëve shtetërore, u përgjigj: “Jo, jo, absolutisht jo! Absolutisht jo!”

Ceremoni publike nuk pati as për legjenda të tjera si Charles Aznavour, Johnny Hallyday apo Jean-Paul Belmondo.