Punësimi në të zezë, Nasto: Mijëra punonjës informalë në resortet e bregdetit

Më shumë sesa te biznesi i vogël dhe i mesëm, informaliteti është problem i biznesit të madh.

Në studion e MCN TV, kryetari i Shoqatës së Biznesit të Vogël dhe të Mesëm, Albert Nasto, tha se kompanitë e mëdha që po ndërtojnë resorte në bregdet, i kanë punonjësit të pasiguruar. 

Informaliteti nuk është kaq shqetësuese sa e bën qeveria shqiptare. Nuk është shumë problem te biznesi i vogël dhe i mesëm. Problem është te kompanitë e mëdha, ato që bëjnë resorte në bregdet, të cilat mesa kemi dijeni nuk paguajnë asnjë sigurim shoqëror.   Të gjitha janë informale, në punë të zezë. Punojnë me mijëra punonjës dhe qeveria vendos shtrëngime të atilla që të deklarojmë ne punonjësit dhe të aplikojnë gjoba e sanksione.