Kulluri: Kemi kaluar në qeverisje oligarkike, një grup njerëzish vendosin për fatet e këtij vendi

I ftuar në emisionin Bilardo në MCN TV, Edvin Kulluri u shpreh se militantët e partive ndonjëherë kthehen dhe në fatkeqësi për shoqërinë pasi çimentojnë qëndrimet e gabuara. Ai tha se vendi ynë ka kaluar në qeverisje oligarkike, ku një grup njerëzish qeverisin përgjithësisht fatet e këtij vendi.

Ajo që ne biem dakord është konstatimi, përgjithësisht sot njerëzit që janë militantë, PD dhe PS kanë gati 1 mln militantë që nuk lëvizin nga aty, janë vendosur aty janë radikal, por për shoqërinë ndonjëherë këto janë fatkeqësi sepse çimentojnë qëndrimet e gabuara prandaj pjesa më racionale e shoqërisë sonë e kanë mbyllur historinë me këtë grup njerëzit, për mënyrën se si kanë operuar. Dua të them se nëse nuk ndryshon sjellja, nuk ka për të ndryshuar asgjë.

Kryetarët e kryesive të vogla kritikojnë shpesh herë Ramën, Bashën, Berishën e Metës duke thënë se duhen kryetarë të rinj, ndërkohë që vetë kanë 20 vjet në parti, kjo ndonjëherë kthehet dhe në komedi. U shkrinë të gjitha partitë e vogla dhe Rama i futi në PS, këtu kemi kaluar në qeverisje oligarkike ku një grup njerëzish qeverisin përgjithësisht fatet e këtij vendi, një nga format më të gabuara të vendit.