Dy raste të prodhimit dhe shitjes së lëndëve narkotike janë goditur në Fier.
Burimet zyrtare bëjnë me dije se dy persona janë arrestuar, pasi gjatë kontrolleve iu gjetën sasi të konsiderueshme lëndësh narkotike.
Gjatë kontrollit të ushtruar në fshatin Hoxharë, në lokalin në pronësi të shtetasit K. F, 48 vjeç, u gjetën 44 doza me lëndë narkotike kokainë dhe 21 doza me lëndë narkotike cannabis sativa, gati për shitje.
Gjithashtu, gjatë kontrollit në fshatin Lalar, në banesën e shtetasit T. Q, 45 vjeç, u gjetën 125 kg cannabis sativa.
Materialet proceduriale i kaluan Prokurorisë pranë Gjykatës së Shkallës së parë Fier, për veprën penale “Prodhimi dhe shitja e narkotikëve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
