Kroacia nuk ka shkuar më shumë se barazimi 1-1 ndaj Çekisë, në ndeshjen e vlefshme për Grupin D, në Euro 2020.
Në Glasgow ishte një ndeshje e luftuar nga fillimi në fund, me skuadrat që dhuruan spektakël. Ishte përsëri Patrick Schick, i cili gjeti golin e parë të ndeshjes, duke shënuar në minutën e 37-të me penallti. Ky është goli i tretë për sulmuesin e Lepzig në këtë Europian, pas dopietës së shënuar ndaj Skocisë.
Perisic barazoi shifrat në minutën e 47-të, teksa shfrytëzoi në maksimum një asist të marrë nga Kramaric, për ta ndalur topin në rrjetë. Pas këtij goli, rastet nuk munguan për Kroacinë, që iu afrua disa herë golit të avantazhit, por pa sukses. Çekia merr kështu një pikë shumë të vlefshme, e cila e ngjit në krye të Grupit D me 4 pikë, ndërsa Kroacia mbetet në vendin e tretë me 1 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
