Deklarata e Vladimir Putinit se Rusia mund të furnizojë me armë Korenë e Veriut ka shkaktuar shqetësim në SHBA.
Ky zhvillim është cilësuar si i rrezikshëm nga zyrtarët e lartë amerikan, ndërsa ministria e jashtme e Koresë së Jugut i ka bërë thirrje ambasadorit rus në vend të shprehet kundër traktatit të nënshkruar mes Moskës dhe Phenianit.
Ofrimi i armëve ruse për Phenianin do të destabilizonte natyrshëm gadishullin Korean dhe potencialisht ... në varësi të llojit të armëve që ata ofrojnë ... do të shkelte rezolutat e Këshillit të Sigurimit të OKB-së që vetë Rusia ka mbështetur.
Ndërkohë, Sekretari amerikan i Shtetit, Anthony Blinken dhe ministria e jashtme e Koresë së Jugut njëzëri shprehen se traktati midis Rusisë dhe Koresë së Veriut përbën një "kërcënim serioz" për paqen dhe stabilitetin në gadishullin Korean.
Blinken deklaroj se SHBA-të do të shqyrtojë "masa të ndryshme" në përgjigje të paktit, i cili ka ngritur marrëdhëniet midis kombeve të sanksionuara në nivelin e tyre më të lartë që nga epoka e Luftës së Ftohtë.
Përtej mundësisë së dërgimit të armëve në Korenë e Veriut, Putin paralajmëroi gjithashtu Korenë e Jugut se do të ishte një "gabim shumë i rëndë" dërgimi i ndihmës ushtarake në Ukrainë.
Shpresoj që diçka e tillë të mos ndodhë. Nëse ndodh, atëherë do të marrim vendimet e duhura, të cilat ndoshta nuk do t'i pëlqejnë udhëheqjes së Koresë së Jugut.
Departamenti amerikan i shtetit është shprehur se do të shqyrtojë mënyra të ndryshme për t'iu përgjigjur kërcënimit ndaj paqes dhe stabilitetit ndërkombëtar të paraqitur nga Rusia dhe Koreja e Veriut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
