Artur Roshi, kryetar i Partisë Balli Kombëtar Demokrat, aleat i PD-së, nuk pozicionohet në raport me zhvillimet e brendshme në PD. I ftuar në studion e lajmeve të MCN TV, Roshi tha se duhet parë përtej dy emrave që janë future në “luftë” për kreun e PD-së, duke zgjedhur aleancën me Shtetet e Bashkuara.
Nuk është vendim i një vendi të Ballkanit. Është vendim i SHBA, një vend referencë për demokracinë në botë dhe kombet që duan të zhvillohen. Nuk i ndaj gabimet e Berishës nga ato të Bashës. Vendimmarrja ka qenë e përbashkët.
Roshi tha se përgjatë tetë viteve të PD-së në opozitë, edhe Berisha ka qenë pjesë e vendimeve.
Po Berisha që ishte ortak, pse nuk e ka ndihmuar për të dhënë. Pjesëtar i humbjeve është edhe zoti Berisha. Dua të jem asnjanës. Unë bashkëpunoj me institucionin e PD. Kur vjen puna për të dhënë opinione si qytetar, them dakord e mori Berisha. Por nëse ai humbet sërish, çfarë bëhet. Sepse duhet menduar për të ardhmen e fëmijëve. Duhet të matemi mirë këtu.
Sa i takon kreut aktual të PD-së, Roshi tha se zhvillimet e fundit e kanë çuar në nivelin e liderit që do të duhej të ishte.
Ka një pikëpyetje. Disa qëndrime që ka mbajtur, na ka befasuar. Edhe artikulimi i tij me publikun ka ndryshuar. Nuk është më i dyzuar, ka më shumë grintë. Kjo që i ka munguar i ka ardhur.
Dikur aleat edhe i Berishës, Roshi tha se mes tij dhe SHBA-ve duhet zgjedhur e dyta.
Nëse ka një njeri që nuk ka abuzuar, është zoti Berisha. Ka pasur autoritet për shkak të të qenit i drejtë, i pavarur, jo abuzues. Por SHBA janë përcaktues për zhvillimin e kombeve. Nëse e duam këtë, mund të pranojmë cenimin e dinjitetit të një lideri. Çfarë do të sjellë më Berisha? Këta dalin si partizanët. Nuk ka mendim të lirë. Përderisa SHBA zgjodhën Bashën, nuk bëhet pa të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
