Gjigandi kinez i tregtisë elektronike Alibaba ka nënshkruar marrëveshje me ish-kapitenin e Anglisë, David Beckham, si ambasador të markës së saj për të nisur fushatën e marketingut të UEFA Euro 2024.
Beckham do të bëhet ambasador i markës globale për tregun me kosto të ulët të kompanisë kineze AliExpres, në një marrëveshje që është shpallur si mbështetja më e madhe e kompanisë deri më sot.
Alibaba njoftoi partneritetin të hënën si pjesë e fushatës së saj promovuese për Euro 2024 , e cila do të fillojë muajin e ardhshëm dhe për të cilën Alibaba është sponsor.
Beckham do të udhëheqë fushatën e Alibaba “Score More with AliExpress”, e cila po shitet si me oferta speciale për të festuar turneun.
Gjithsesi nuk është bërë e ditur se sa do të fitojë Beckham nga marrëveshja.
“AliExpress po i ndihmon tifozët që të afrohen edhe më shumë me Uefa Euro 2024 këtë verë, duke u ofruar çmime të leverdisshme”, citohet të ketë thënë Beckham.
AliExpress po i bashkohet kompanive të tjera të mëdha kineze, si prodhuesi i automjeteve elektrike BYD dhe gjiganti i elektronikës Vivo, në sponsorizimin e Euro 2024.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
