Një aksion i gjerë dhe i bujshëm i Prokurorisë së Posaçme (SPAK) ka tronditur themelet e institucioneve të sigurisë këtë mëngjes, duke implikuar zyrtarë dhe ish-zyrtarë të niveleve më të larta të shtetit.
Gazetari Xhevahir Zhabina, tha në “MCN Live”, se hetimet e fraksionit të dosjes së AKSHI-t zbulojnë se biznesmeni Ergys Agasi kishte një ndikim dhe akses të jashtëzakonshëm në Policinë e Shtetit dhe në Shërbimin Informativ Kombëtar (SHISH).
Sipas Zhabines, nëse këto dyshime vërtetohen, kjo do të përbënte një goditje fatale për strukturat e sigurisë në vend.
Videot e sekuestruara në zyrën e Agasit zbardhin detaje ekskluzive se si SPAK ka arritur të sigurojë prova materiale të forta.
Një ndihmë e madhe për hetuesit ka qenë sekuestrimi i disa filmimeve të xhiruara direkt brenda zyrës së Ergys Agasit, të cilat shërbejnë si provë e pastër e takimeve dhe marrëveshjeve të kryera.
Ndikimi i tij dyshohet se shtrihej deri në emërimet e drejtorëve të policisë sipas porosive të grupit, si dhe në Kadastrën e qyteteve bregdetare
Hetimi ka vënë në shënjestër drejtuesit më të lartë të inteligjencës dhe forcave të rendit Vlora Hyseni, Drejtoresha e SHISH, ndaj saj rëndojnë dy akuza jashtëzakonisht të rënda: "Përkrahja e autorit të krimit" dhe "Zbulimi i akteve ose të dhënave sekrete".
Ajo dyshohet se ka nxjerrë informacione sekrete shtetërore duke ia vënë ato në dispozicion Agasit dhe grupit të tij.
Emri i Ilir Prodes, është përfshirë në këtë aferë, por roli i tij konkret mbetet ende për t'u verifikuar dhe pritet konfirmimi zyrtar nëse nën drejtimin e tij policia ka kryer operacione me porosi të Agasit.
Nëse këto dyshime vërtetohen, kjo do të përbënte një goditje fatale për strukturat e sigurisë në vend.
Gazetari Zhabina bën të ditur se së fundi janë ndaluar edhe zyrtar i Policisë Shkencor, Fatjon Kalluçi, arrest ne burg dhe një biznesmen me rendësi ne qytetin e Durrësit, që mbetet për tu pare roli i tyre në këtë dosje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
