Presidenti amerikan Donald Trump ka njoftuar se Shtetet e Bashkuara do ta konsiderojnë përsëri Korenë e Veriut vend mbështetës të terrorizmit, 9 vjet pasi u hoq nga lista.
Në një takim me kabinetin qeveritar, Trump u shpreh se kjo masë do të shtonte shumë sanksione të tjera ndaj shtetit komunist.
Presidenti amerikan dënoi programin bërthamor të Koresë së Veriut duke e cilësuar akt ndërkombëtar të terrorizmit. Ai shtoi gjithashtu se ky vendim duhet të ishte marrë shumë kohë më parë. Ky vendim i Presidentit të SHBA-së vjen një javë pasi Donald Trump u kthye nga Azia.
Diktatori koreano-verior Kim Jong Un vazhdon të zhvillojë programin bërthamor dhe raketat balistike në kundërshtim me saksionet e vendosura nga Këshilli i Sigurimit të OKB-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
