“Factcheck” zbardh përgjimet që çuan në pranga grupin e drogës në Tiranë/ Trafikanti-agjentit: Kam mall cilësor, fiton dyfish! Do ta përziesh?

24 orë shërbim taxi e shpërndarjes së drogave të forta në Tiranë, mes gjimnazeve dhe lokaleve të natës. “FactCheck” zbardh përgjimet se si trafikantët shisnin drogën dhe rekrutonin konsumatorët duke i kthyer në shpërndarës.

Thuajse i gjithë kryeqyteti ishte i mbuluar me shpërndarje përgjatë 24 orëve nga dy grupe kriminale, tashmë të arrestuar 20 prej tyre dhe katër në kërkim.

Pjesë e këtyre grupeve dhe hartës së tregtisë së drogës ishin edhe tri vajza, ndërsa në një konferencë për mediat policia e Tiranës tha se kishte sekuestruar: 2 kilogramë dhe 120 gramë kokainë, 300 doza kanabis, 130 doza heroinë, shumën prej 5 milionë lekësh, 1700 euro, 11 automjete dhe 29 celularë.

“FactCheck” sjell për herë të parë përgjimet që çuan në pranga grupin dhe se si shtetasi Fabian Qoku, i arrestuar u rrëfye tek agjenti i infiltruar “RENO” se mund të fitonte dyfishin duke blerë kokainë tek ai dhe duke e shitur më pas në treg edhe me pak përzierje.

Pas disa bisedave, Qoku i rrëfen klientit agjent se ai kishte një mall cilësor dhe çmimi dilte i lartë:

Fabian Qoku: Po hiç e rrëmujë.

P.A : E ore

Fabian Ooku:  He vllai mos më thuj pa leke amon

P.A :  Jo jo, thjesht...

Fabian Qoku: A e di pse, e kam produkt tetshe është super

P.A: Nuk e vej në diskutim

Fabian Qoku: Edhe e jap me lekë dhe jam i qetë

P.A: Po ja dhe un sa të filloja naj punë o burrë si i bëhet?

Fabian Qoku: Ça do të bësh ti

P.A: A filloj dot unë me ty a si?

Fabian Qoku: Varet ça do me bo, duhet me fol ça do me bo

P.A: Po ashtu mo, ku di gjo un

Fabian Qoku: Për mu s' ashtu dot kot

P.A: Kshu me ble

Fabian Qoku: Po por un s’e jap, e jap shtrenjte vëllai se është gjo e mirë

P.A: Me sa?

Fabian Qoku: Ti ca do me bo? Do me e përzi?

P.A: Jo me jo, me punu pak po

Fabian Qoku: Nuk ke leverdi

P.A : S’ka leverdi fare ?

Fabian Qoku: Unë them jo

P.A: Po me e përzi sa shkon

Fabian Qoku: Me e përzi, nëntëdhjetë shkon

P.A: Nëntëdhjetë

Fabian Qoku: Po me e përzi

P.A: Nëntëdhjetë grami

Fabian Ooku:  Ktu ke leverdi

P.A: Dalin d.m.th. mirë kupton sa me hëngër bukë a kupto, jo se do bej

milionat

Fabian Qoku: Del super fare se kjo është gjo që e mban se është e pastër

P.A: Jo mo jo, e di unë si është

Fabian Qoku: E provon e shet, se dhe un me dash e boj gjys për gjys po nuk e kam ne karakter se nuk me ha k***, në telefon vjen ikën

P.A: Tamam tamam d.m.th. ia vlen

Fabian Qoku: Kurse me mu nëntëdhjetë po ta marrësh ti tek unë do ja nxjerrësh ti njëqind e tetëdhjetë

P.A: Kshu me pesë gramshe, dhjetë gramshe

Fabian Qoku: Po pra