Një nga fituesit e çmimit Nobel të Paqes të këtij viti ka sulmuar kompanitë amerikane të rrjeteve sociale duke e quajtur "përmbytje llumi toksik".
Gjatë fjalimit të saj në Norvegji, gazetarja filipinase Maria Ressa tha se gjigantët e teknologjisë kishin "lejuar që një virus gënjeshtër të infektonte secilin prej nesh".
Ressa, bashkëthemeluese e faqes së lajmeve Rappler, akuzoi rrjetet sociale si Facebook për përfitime nga përhapja e gjuhës së urrejtjes.
58-vjeçarja po iu drejtohej të ftuarve në një ceremoni në kryeqytetin Oslo.
Ajo vazhdoi të akuzonte gjigantët amerikanë se ishin "të njëanshëm kundër fakteve dhe gazetarëve" dhe se përdorin "fuqinë e tyre si Zoti" për të mbjellë ndarje.
"Nevoja jonë më e madhe sot është të transformojmë atë urrejtje dhe dhunë, llumin toksik që rrjedh nëpër ekosistemin tonë të informacionit," tha ajo.
Kompania mëmë e Facebook, Meta, kohët e fundit njoftoi se po prezantonte veçori të reja për t'u dhënë njerëzve më shumë kontroll mbi atë që shfaqet në burimet e tyre të lajmeve. Rrjeti social ka qenë nën një shqyrtim intensiv vitet e fundit për mënyrën sesi algoritmet e tij promovojnë përmbajtjen.
Ressa mori të premten Çmimin Nobel për Paqe në Oslo së bashku me bashkëlaureatin e saj Dmitry Muratov, redaktor i gazetës ruse Novaya Gazeta.
Të dyve iu dha çmimi si mirënjohje për betejat e tyre për të mbrojtur lirinë e shprehjes.
Muratov, 60 vjeç, u kërkoi të ftuarve në ceremoni të mbanin një minutë heshtje për gazetarët e vrarë gjatë punës së tyre dhe tha se profesioni po kalonte "një kohë të errët" në Rusi.
Ai tha se më shumë se 100 gazetarë, organe mediatike, mbrojtës të të drejtave të njeriut dhe OJQ kohët e fundit ishin quajtur "agjentë të huaj" nga ministria ruse e drejtësisë. "Në Rusi, kjo do të thotë një gjë - "armiq të popullit".
Muratov ka mbrojtur për dekada lirinë e fjalës në Rusi. Ai tha se gazetarët kishin humbur punën e tyre, ishin detyruar të largoheshin nga vendi dhe "ishin privuar nga mundësia për të jetuar një jetë normale".
Kur ai u shpall si fitues i çmimit Nobel në gusht, Kremlini e uroi Muratov, me zëdhënësin Dmitry Peskov që e përshkroi atë si "të talentuar" dhe "trim".
Të dy gazetarët njihen për hetime që kanë zemëruar pushtetarët e vendeve të tyre dhe të dy janë përballur me kërcënime si pasojë e kësaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
