Një nga aktivistet e grupit feminist rus “Pussy Riot”, Maria Alyokhina, është arratisur nga Rusia. Lajmi është konfirmuar nga avokati i saj për agjencinë e lajmeve “Interfax”.
Alyokhina rrezikonte burgun si pasojë e aktivizmit të saj anti-qeveritar.
Arratisja ka ndodhur muajin e shkuar dhe destinacioni ka qenë Lituania.
Raportohet se aktivistja ishte maskuar si korriere ushqimi duke iu shmangur policinë e Moskës, ndërsa banonte në shtëpinë e një shoqeje.
Alyokhina la telefonin celular si karrem në banesë, për të mos u gjurmuar.
Aktivistja ishte arrestuar dhe burgosur gjashtë herë gjatë vitit të kaluar.
Në vitin 2012 ajo u dënua me dy vite burg për "huliganizëm".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
