Kryetari i Partisë Shpresa Demokratike, Pëllumb Pilinçi u shpreh në emisionin “Të Paekspozuarit” në MCN se ai ka ardhur nga Amerika me një mision, për të ndërruar qeverinë.
Sipas Pilinçit ai ka lidhje me njerëz të rëndësishëm në SHBA dhe Sekretari i Përgjithshëm i Amerikës, Anthony Blinken e telefonon çdo një orë.
“Kam ardhur me mision nga Amerika për të ndërruar qeverinë, për të bërë qeveri të re, për të larguar Edi Ramën. Misioni jonë është për një qeveri teknike. Unë kam të njëjtin program si Kushtetuta Amerikane, këtu do të bëhet Amerika.
Jam njeriu kryesor për 49 vite në Amerikë, jam plagosur 3 herë për çështje kombëtare. Kam bërë kryeministër Berishën, kryeministrin që ka këtë vendin këtu.
Sekretari që është sot, Blinken, bile e di ku ndodhet dhe tani, më bënë telefon çdo një orë. Kemi ardhur ta shpëtojmë vendin nga injorantët, nga Edi Rama. Si PD dhe PS janë motra.
Kur dërgova letër unë këtu Grenell u largua direkt për në Serbi.”, u shpreh Pilinçi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
