Një 14-vjeçare i ka shpëtuar për mrekulli plumbave në Divjakë. Bëhet fjalë për një ngjarje të ndodhur në fshatin Babunjë gjatë ditës së mërkurë.
Autor i kësaj ngjarjeje është 22-vjeçari Bajram Krasniqi, banues në këtë fshat, i cili ka qëlluar me armë automatike në drejtim të së miturës.
3 gëzhoja gjeti policia në vendin e ngjarjes dhe fatmirësisht asnjë nga plumbat nuk e ka prekur të miturën, e cila nuk ka pësuar dëmtime.
Sipas policisë, shkak për ngjarjen janë bërë “motivet e dobëta”, megjithatë nuk jepen detaje të tjera.
Materialet i kaluan Prokurorisë pranë Gjykatës së Shkallës së Parë Lushnje për veprën penale "Vrasje në rrethana të tjera cilësuese" e mbetur në tentativë dhe "Prodhimi dhe mbajtja pa leje e armëve dhe municionit luftarak" parashikuar nga Nenet 79/a/22 dhe 278 të Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
