Shkencëtarët rusë kanë zbuluar një mutacione të pazakonta në gjenomin e koronavirusit SARS-CoV-2, që tregon se kohët e fundit ky virus është përshtatur në mënyrë evolucionare për lakuriqët. Studimi është kryer në Institutin për Informacion mbi Problemet e Transmetimit në Akademinë e Shkencave Ruse.
Shkencëtarët prej disa kohësh po përpiqen të kuptojnë se ku dhe si u shfaq koronavirusi që u pëhap në të gjithë botën, si dhe kur filloi të transmetohet nga njeriu në njeri.
Ka shumë diskutime kur dhe ku ka ndodhur infeksioni i parë i një njeriu me SARS-CoV-2. Pikëpyetje ka ende nëse njerëzit e morën virusin direkt nga lakuriqët ose përmes një kafshe tjetër që mund të ketë shërbyer si urë, si dhe pse SARS- CoV-2 doli aq i fortë si infeksion.
Shkencëtarët rusë analizuan dhe krahasuan mbi një mijë gjenome SARS-CoV-2, rreth dyqind gjenome të patogjenit të pneumonisë atipike, dyzet sekuenca për virusin HKU1 si dhe disa gjenome të të ngjashmëve të tij me origjinë shtazore.
Një studim i këtyre mutacioneve të vogla lejoi studiuesit të zbulojnë një karakteristikë unike të koronavirusit jo tipik për të ngjashmit e tij.
Ata zbuluan se gjenomi SARS-CoV-2 përmban një numër jashtëzakonisht të madh mutacionesh që çojnë në zëvendësimin e guaninës (G), një nga katër "shkronjat" e ADN-së dhe zinxhirët e ARN-së, me molekulat e uracilit (U). Kryesisht mbi dyqind (15%) mutacione të zbuluara i përkasin kësaj kategorie. Kjo është pothuajse dhjetëfishi i mutacioneve të tilla në paraardhësit e SARS-CoV-2 para kalimit të infeksionit te njerëzit.
Kjo karakteristikë e patogjenit COVID-19 pasqyron faktin se deri vonë, ai ka infektuar lakuriqët, qelizat e të cilave mbrohen jashtëzakonisht mirë nga akumulimi i molekulave të ndryshme agresive, të afta për të futur mutacione në kopjet e reja të ARN virale.
Kur virusi SARS-CoV-2 u zhvendos te njerëzit, ai e humbi këtë mbrojtje, e cila, siç mendojnë autorët, çoi në dëmtimin e një numri të madh të elementit guaninë të ARN-së dhe akumulimin e shpejtë të mutacioneve në gjenomin e koronavirusit. Studiuesit konkludojnë se nga njëra anë, ky është një argument për origjinën natyrore të virusit SARS-CoV-2, ndërsa nga ana tjetër ngre pikëpyetjen se pse diçka e ngjashme nuk ka ndodhur me patogjenin e pneumonisë atipike, e cila gjithashtu e ka origjinën te lakuriqët e natës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
