Meteoriti që mundi të hyjë në atmosferën e Tokës më 26 qershor dhe përfundoi duke goditur çatinë e një shtëpie në qytetin McDonough pranë Atlantës, SHBA, është formuar 4.56 miliardë vjet më parë dhe për këtë arsye është më i vjetër se Toka.
Kjo është ajo që tregojnë analizat fillestare të kryera nga studiuesit në Universitetin e Xhorxhias.
Sipas vlerësimeve të NASA-s, meteorit ishte 1 metër i gjerë dhe udhëtonte me 47,000 kilometra në orë. Duke hyrë në atmosferë ai krijoi një gjurmë të ndritshme qartësisht të dukshme në Juglindje të SHBA-se, aq sa Shoqata Amerikane e Meteorëve mori më shumë se 240 sinjalizime.
Shumë njerëz dëgjuan gjithashtu një bum zanor. Pasi goditi çatinë e shtëpisë, meteori u thye dhe një fragment madje arriti të krijonte një gropë në dysheme.
Nga 50 gramët e gjetur, 23 gramë iu nënshtruan analizës së mikroskopisë optike dhe elektronike. Rezultatet tregojnë se meteori mund të jetë një kondrit i zakonshëm me përmbajtje të ulët metalesh. Ky klasifikim nënkupton që shkëmbi hapësinor është formuar 4.56 miliardë vjet më parë në prani të oksigjenit, duke e bërë atë më të vjetër se vetë Toka .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
