Raundi i parë i zgjedhjeve presidenciale të Francës do të mbahet në 10 prill të vitit të ardhshëm, ndërsa raundi i dytë është planifikuar më 24 prill, tha të martën zëdhënësi i qeverisë, Gabriel Attal.
Zgjedhjet legjislative do të zhvillohen në 12 qershor dhe 19 qershor, shtoi ai.
Zgjedhjet ishin objekt bisedimesh midis partive politike të Francës dhe ministrit të Brendshëm, Gérald Darmanin, ministria e të cilit është përgjegjëse për përgatitjen dhe organizimin e tyre.
Grupi tjetër i datave për diskutim për dy raundet e zgjedhjeve presidenciale ishin një raund i parë në 17 prill, i cili bie të dielën e Pashkëve në 2022, dhe balotazhi më 1 maj, festa e Ditës së Punës në Francë.
Presidenti Emmanuel Macron u zgjodh për një mandat pesë-vjeçar në 7 maj 2017 dhe mori detyrën në 14 maj 2017.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
