Kancelarja Angela Merkel deklaroi se qeveria gjermane ka dhënë një rekomandim pozitiv lidhur me hapjen e negociatave të Shqipërisë dhe Maqedonisë së Veriut me BE-në, por fjalën e fundit do ta thotë Bundestagu në datë 26 shtator. Këto komente, Merkel, i bëri në një konferencë të përbashkët me kryeministren serbe, sot në Berlin.
Kancelarja u pyet lidhur me opinionin e Francës dhe Holandës, që janë dy nga vendet skeptike për zgjerimin, por u përgjigj vetëm për Gjermaninë.
“Nuk mund të flas për vendet e tjera pasi ato vendosin vetë, por së pari mund të them për pozicionin gjerman, i cili lidhet me Bundestagun gjerman. Qeveria ka dhënë një rekomandim pozitiv për të dy vendet me specifikat e veta, si për Maqedoninë e Veriut ashtu dhe për Shqipërinë, por është Bundestagu ai që do të vendosë dhe besoj së shpejti do të kemi një vendim”, deklaroi Merkel gjatë konferencës me kryeministren e Serbisë.
Por, sipas raportimeve të DW në qarqet e grupit parlamentar CDU/CSU Bundestagu, pritet që ti vendosë nëntë kushte Shqipërisë për hapjen e negociatave.
Deputetët e parlamentit gjerman do të vendosin për hapjen ose jo të negociatave për Shqipërinë mbrëmjen e së enjtes të datës 26 shtator. Sipas rendit të ditës debati dhe votimi do të nisin në orën 21 e 30 të mbrëmjes së të enjtes dhe është parashikuar të zgjasë rreth 40 minuta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
