Spanja miraton ligjin i cili e bën krim, ndalimin e një gruaje që të abortojë

Spanja miraton ligjin i cili frenon ata që tentojnë të ndalojnë një grua që të abortojë.

Senati i Madridit ka miratuar përfundimisht një ndryshim në Kodin Penal, i cili ndëshkon ata që trembin gratë ose ndikojnë ndaj tyre kur shkojnë në një klinikë për të ndërprerë shtatzëninë.

Ligji u promovua nga Partia Socialiste e Kryeministrit Pedro Sanchez dhe është gati të botohet në Fletoren Zyrtare, pas së cilës do të hyjë në fuqi.

Kushdo që për të penguar ushtrimin e të drejtës për ndërprerjen vullnetare të shtatzënisë do të kryejë kundër një gruaje veprime ngacmuese, ofenduese, frikësuese ose shtrënguese që dëmtojnë lirinë e saj do të dënohet me burg: nga tre muaj deri në një vit burgim ose shërbim në punët komunale.

Me këtë ligj, të gjithë personat që tentojnë të frikësojnë punonjësit e shëndetësisë që punojnë në klinika ku kryhen aborte rrezikojnë të njëjtat dënime.

Në vitin 2010, aborti lejohej deri në javën e katërmbëdhjetë të shtatzënisë. Por pavarësisht nga ligjet, në shtetin që është fort katolik, gratë që duan të abortojnë shpesh hasin në shumë probleme.