Ambasadorja amerikane Yuri Kim ka takuar sot ambasadorin e OSBE, Vincenzo Del Monaco.
Pas këtij takimi, Ambasadorja ka deklaruar se Parlamenti duhet të kalojë reformën kushtetuese për të zgjatur mandatin e vettingut.
Ajo më saktësisht shkruan se SHBA kërkojnë nga 140 deputetët e Parlamentit të Shqipërisë që të votojnë zgjatjen e afatit të organeve të vetingut.
Ambasadorja Yuri Kim shkruan në Twitter se, ata janë në një linjë me rekomandimet e Operacionit Ndërkombëtar të Monitorimit (ONM).
“Takova ambasadorin e OSBE Del Monako sot për të diskutuar një sërë çështjesh. Ne jemi dakord që, në përputhje me rekomandimin e IMO -së, Parlamenti duhet të kalojë reformën kushtetuese për të zgjatur mandatin e vettingut. Gjithashtu pajtohemi që autoritetet dhe palët duhet të veprojnë sipas rekomandimeve të OSBE për zgjedhjet”, shkruan Kim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
