Më shumë se 47 mijë persona humbën jetën në Evropë për shkak të temperaturave përvëluese në vitin 2023, ku vendet në jug të rajonit u goditën më rëndë, sipas një raporti të Institutit të Barcelonës për Shëndetin Global (ISGlobal), të botuar të hënën.
Viti i kaluar ishte më i nxehti i regjistruar në botë. Ndërsa ndryshimet klimatike vazhdojnë të rrisin temperaturat, evropianët jetojnë në kontinentin me ngrohjen më të shpejtë në botë, duke u përballur me rreziqe në rritje për shëndetin që rrjedhin nga nxehtësia intensive.
“Rezultatet tona tregojnë se si ka pasur procese të përshtatjes shoqërore ndaj temperaturave të larta gjatë shekullit të tanishëm, të cilat kanë reduktuar në mënyrë dramatike cenueshmërinë e lidhur me nxehtësinë dhe barrën e vdekshmërisë së verës së fundit, veçanërisht mes të moshuarve”, tha Elisa Gallo, studiuese në ISGlobal dhe autore e studimit.
Studiuesit përdorën të dhënat e vdekjeve dhe temperaturës nga 35 vende evropiane. Ata vlerësojnë se 47.690 persona vdiqën nga shkaqe që lidhen me temperaturat e larta.
Duke rregulluar të dhënat për popullsinë, Greqia, Bullgaria, Italia dhe Spanja ishin vendet me shkallën më të lartë të vdekshmërisë nga i nxehti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
