Digjet shtëpia në Tiranë, humb jetën foshnja 6-muajshe

Një foshnje ka ndërruar jetë pas zjarrit të rënë në një shtëpi private në Tiranë.

Ngjarja e rëndë ka ndodhur gjatë natës, në zonën pranë Maternitetit të Ri rreth mesnatës.

Sipas informacioneve paraprake, në momentin e zjarrit në banesë ka qenë gjyshja dhe foshnja 6-muajshe, ndërsa nëna e fëmijës nuk ndodhej në shtëpi.

I mituri u dërgua me shenja jete në spital, por ndërroi jetë pak orë më vonë në spital.

Forcat e policisë dhe zjarrfikëses shkuan në vendin e ngjarjes duke bërë të mundur nxjerrjen e foshnjës, por fatkeqësisht raportohet se ndërroi jetë gjatë transportit në spital.

Informacion paraprak nga Policia:

Sot, në orët e para të mëngjesit, në rrugën “Gani Domi”, ka rënë zjarr dhe është djegur plotësisht banesa e shtetases J. L.

Si pasojë ka ndërruar jetë një foshnje 6 muajshe, ndërsa shtetasja J. L., ndodhet në spital, nën kujdesin e mjekëve.

Grupi hetimor po punon për të përcaktuar shkaqet e rënies së zjarrit dhe zbardhjen e rrethanave të ngjarjes.