Në raportin më të fundit të “Numbeos”, Tirana renditet ndër të fundit në Europë për cilësinë e jetesës dhe një ndër parametrat që ka shënuar rrite të ndjeshme është niveli i lartë i ndotjes së ajrit.
Duke folur mbi këtë çështje përmes një lidhje skype në MCN TV eksperti mjedisit Rodion Gjoka tha se dy faktorët kryesorë që kontribuojnë në ndotjen e mjedisit janë, sektori i ndërtimit dhe transporti.
Tirana paraqitet si qyteti me ngarkesën më të madhe të ndotjes dhe cilësisë së ajrit, i ndjekur nga Elbasani, më ndryshe paraqitet Durrësi dhe Shkodra. Përpos periudhës së karantinës, qoftë periudha para dhe pas të dy ndotësit shfaqen mbi parametrat e lejuara. Nëse i krahasojmë me standardet e OBSH, këto nivele i kalojnë dyfish normat. Ndotja e ajrit shkakton fatalitete që nuk janë të pakta. Askush nga drejtuesit e institucioneve lokale dhe qendrore nuk denjon të japë një deklaratë dhe ta adresojë këtë çështje. Në kushtet kur auditimet dhe inspektimet mungojnë, profesionistët dhe buxhetet e alokuara nuk arrijnë të bëjnë punën e tyre. Sot kemi dy kontribuues kryesor të ndotjes, ndërtimi dhe transporti. Sa i takon ndërtimit situata është kritike. Flota e mjeteve që përdoren për ndërtim, mënyra si prishen objektet, ndërtimet në vetvete janë përgjegjëse për ndotjen deri te fatalitetet për qytetarët. Ligji për lejet e mjedisit kërkon që çdo subjekt të paraqesë një vlerësim të ndikimit në mjedis dhe pastaj të paraqesë lejen për ndërtim. Bizneset nuk e kryejnë vlerësimin e ndikimit në mjedis. Sa i takon transportit, në parantezë çmimi i shtrenjtuar i karburanteve s’ka sjellë ndonjë ndryshim në cilësi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
