Basha pas takimit me ambasadorët: Kërkova mbështetje ekonomike dhe politike

Pas takimit me ambasadorët e vendeve të BE-së, kryedemokrati Basha tha se u ka kërkuar atyre mbështetjen politike për integrimin dhe ekonomike për shkak të pandemisë. Basha tha se familjet shqiptare janë akoma më të varfra seç ishin para pandemisë.

“Kam kërkuar ndihmën e vendeve anëtare që Shqipëria të plotësojë kushtet e integrimit, që të hapë negociatat, dhe të ketë mbështetje politike dhe ekonomike. E ka dhe më shumë të nevojshme.
çështja e dytë ka qenë ekonomike. Pasi Rama kërkon që ehe në kohë pandemia t’i çojë lekët diku tjetër. 7 në 10 familje shqiptarë janë në humnerë ekonomike. Nuk ka asnjë mbështetje simbolike. Në tërësi është një situatë shumë e vështirë, si tek baza ushqimore por dhe tek biznesi që po falimenton. Bizneset prodhuese janë në vështirësi. Nga ana tjetër me ardhjen e sezonit veror sërish bizneset janë në vështirësi. Këto ishin dy shqetësimet e mia. Ne do të bëjmë gjithçka që të ecë integrimi dhe nga ana tjetër. Kriza politike po thellohet. Opozita mbetet e përkushtuar për ecjen e Shqipërisë në rrugën e BE. 50% e popullsisë ishin në kushte varfërie para pandemisë. Kjo shifër tani është rritur. Biznesi po falimenton, edhe bizneset e mëdha po vihen në vështirësi të mëdha. Me ardhjen e sezonit të verës, turizmi është sektori më i goditur”, tha ai.

Sa i takon punës për reformën zgjedhore, Basha tha se PD mbetet e përkushtuar për zgjedhje të ndershme.

“Ne do të bëjmë gjithçka që kemi në dorë për të garantuar një proces zgjedhor të ndershëm. Zgjedhje të lira e të ndershme një orë e më parë. Opozita nuk mund të jetë fasadë. Përgjegjësia për mbarëvajtjen e reformës zgjedhore është tërësisht e Partisë Socialiste”, tha ai.

Lidhur me shembjen e Teatrit, Basha tha se do të vërë para përgjegjësisë autorët me të marrë pushtetin.

“Hetimi dhe vënia para përgjegjësisë e atyre që kryen këtë krim makabër është kusht dhe zotim i yni që do të bëhe realitet vetëm atëherë kur vendi të mos ketë këtë qeveri”, tha ai.