Autoriteti shëndetësor i Danimarkës njoftoi të hënën se vendi ka vendosur të heqë nga përdorimi vaksinën Johnson dhe Johnson kundër COVID-19.
"Autoriteti Danez i Shëndetësisë ka arritur në përfundimin se përfitimet e përdorimit të vaksinës nga Johnson & Johnson nuk tejkalojnë rrezikun e shkaktimit të efekteve të dëmshme, VITT, në ata që marrin vaksinën. Ndaj, Autoriteti Shëndetësor do të vazhdojë programin danez të vaksinimit masiv kundër COVID-19 pa vaksinën Johnson & Johnson", thuhet në deklaratën e Autoritetit Danez të Shëndetësisë.
Vendimi "do të ndikojë ndjeshëm" në shtrirjen e vaksinimit për personat e moshës mes 20 dhe 39 vjeç, për të ciliët procesi do të vonojë deri në katër javë.
Që nga 1 maji, më shumë se 1.3 milion e 5.8 milion e popullsisë së vendit kishin marrë të paktën një dozë të vaksinës.
Vaksina Johnson & Johnson, e njohur gjithashtu si Janssen u bë vaksina e katërt që miratohet për përdorim në të gjithë Bashkimin Evropian nga Agjencia Evropiane e Barnave (EMA) pas Pfizer / BioNTech, AstraZeneca / Universiteti i Oksfordit dhe Moderna.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
