Lufta në Ukrainë/ I dërguari i Papës për paqen në Kiev do të vizitojë Moskën të mërkurën dhe të enjten

Kardinali italian Matteo Zuppi, i dërguari i Papa Françeskut për paqen në Ukrainë, do të vizitojë Moskën të mërkurën dhe të enjten, njoftoi Vatikani, tre javë pas vizitës së tij në Kiev. Kjo është vizita e parë në Moskë nga një zyrtar i lartë i Selisë së Shenjtë që kur Moska pushtoi Ukrainën në shkurt 2022. “Më 28 dhe 29 qershor 2023, Kardinali Matteo Maria Zuppi, Kryepeshkop i Bolonjës dhe President i Konferencës Ipeshkvnore Italiane, i shoqëruar nga një zyrtar i Sekretariatit të Shtetit, do të bëjë një vizitë në Moskë, si i dërguar i Papa Françeskut”, thuhet në deklaratë. " Objektivi kryesor i nismës është të inkurajojë gjestet e njerëzimit që mund të ndihmojnë në promovimin e një zgjidhjeje për situatën aktuale tragjike dhe gjetjen e mënyrave për të arritur një paqe të drejtë ", tha Kardinali Matteo Maria Zuppi.