Marrëveshja për themelimin e Asociacionit të Komunave me Shumicë Serbe duhet të funksionalizohet sa më parë ndërsa një raund i ri bisedimesh do të mbahet nga data 19 deri në 21 mars.
Kështu ka deklaruar zëdhënësja e Komisionit Europian, Maja Kocijançiç.
“Prej fillimit ne kemi qenë të qartë për të dyja palët që Asociacioni i Komunave Serbe duhet të gjejë aplikim pa vonesë. Kjo vlen edhe për të gjitha marrëveshjet e tjera që nuk janë zbatuar plotësisht, siç është ajo për energjinë”, tha Kocijançiç për Klan Kosova.
Sipas saj edhe në raundin e ri të bisedimeve do të jenë në rend të ditës marrëveshjes për Asociacionin e Komunave me Shumicë Serbe, Energjinë, urën në Mitrovicë, lirinë e lëvizjes dhe menaxhimin e integruar të kufirit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
