Filmi “Rrugës” i Samir Karahoda-s e rikthen Kosovën në njërin prej festivaleve më të mëdha të filmit në botë, atë të Kanës, në edicionin e 77-të.
Producenti i filmit Eroll Bilibani duke folur në edicionin e lajmeve në MCN Tv tha që filmi ka një dozë të madhe optimizmi, dhe është një rrëfim intim dhe personal.
"Ky është i filmi i tretë, është bashkëpunimi ynë i tretë. Filmi i kaluar kishte premierën në Kanë, dhe tani rikthehemi prapë në Kanë në garën zyrtare të filmave të shkurtër. Filmi është një ide e kamotshme e Samirit për ta trajtuar një temë specifike, që ka elemente autobiografike, është një rrugëtim i babait dhe djalit që shkojnë deri në aeroport, për të marrë një dhuratë që ka ardhur nga kumbara, por duke bërë diskutime, ballafaqohen me pengesa burokratike të sistemeve tona që i kemi në Ballkan. Flasin pak edhe për kontekstin politik dhe shoqëror. Por filmi ka një dozë të madhe optimizmi, është një rrëfim intim dhe personal. Ka një qasje që shumica e prindërve të rinj, që a të rrimë, apo ta lëshojmë këtë vend, a ka perspektivë, apo nuk ka perspektivë. Kjo vërehet shumë qartë, dhe për përfundimin iu lë pas premirës. Ky film është fiction. Djali i tij luan rolin e vet, përderisa aktorin kryesor Ylberi, luan babain dhe mundohet që në një farë forme të sjellë personazhit e Samirit në ekran të madh. Nuk ka shumë aktorë. Në Kosovë ka një revolucion të butë, kemi një gjeneratë të re të filmbërësve që i sjellin tregimet pak më ndryshe nga ç’ishim mësuar në të kaluarën”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
