Rrjetet sociale si “Youtube”, “Tuiter” dhe “Facebook” kanë plotësuar objektivat e BE-së për heqjen e postimeve apo komenteve që kanë gjuhën e urrejtjes. Komisioni Europian ka kërkuar fshirjen e të paktën 50 % të materialeve ku është përdorur gjuhë urrejtjeje jo më shumë se 24 orë pas postimit.
Sipas një studimi të fundit të BE, “Facebook”, “Twitter” and “YouTube” janë rrjetet që kanë fshirë më shumë komente raciste apo ku përdorej gjuha e urrejtjes.
“Twitter” ka bërë hapin më të madh në këtë aspekt me monitorimin e 80.2 % të postimeve brenda 20 orësh.
Edhe “Facebook” i ka shtuar përpjekjet. Monitorimi dhe rishikimi i materialeve të postuar është rritur nga 57.9 % në 89.3 %.
Komisioni Europian bëri të ditur se “Instagrami” është media më e fundit sociale që ka hedhur hapin drejt fshirjes së postimeve fyese apo raciste.
Shifrat tregojnë se gjigantët e rrjeteve sociale po i përgjigjen presionit politik në rritje për masa më të ashpra ndaj atyre që përdorin gjuhën e urrejtjes.
Vitin e kaluar, “Facebook” njoftoi se do të punësonte 3000 moderatorë shtesë që do monitorojnë faqet për postime të tilla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
