Seanca e parlamentit në Jordani që diskutonte reformat kushtetuese ka përfunduar në një përleshje me grushte. Një grup deputetësh opozitarë të dhomës ulët u përleshën me kryeparlamentarin dhe kolegë të tjerë, gjatë diskutimeve për reformimin e Kushtetutës.
Dhuna shpërtheu në momentin kur kryeparlamentari i kërkoi një deputeti të largohej nga salla, teksa diskutohej një pikë e projektligjit për barazinë gjinore, që lejon që shtetësia të marrë edhe trajtë femërore në dokumente.
Ndryshimet kushtetuese kanë tensionuar klimën politike në Jordani. Ato parashikojnë që kryeministri të miratohet nga parlamenti dhe të mos emërohet nga mbreti, por deputetët opozitarë thonë se këto janë ndryshime ‘fasadë’ që konsolidojnë në fshehtësi regjimin autokrat të mbretit Abdullah i Dytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
