Nëntë ditë pas aksidentit të ndodhur në hyrje të Hanit të Elezit, ku humbën jetën dy efektivë të policisë së Kosovës, është gjetur trupi i Armend Trenës.
Ministria e Forcës së Sigurisë së Kosovës, njoftoi se ka gjetur trupin e pajetë, të policit Armend Trena, në lumin Lepenc.
“Njësitë e kërkim shpëtimit të FSK-së, Policisë së Kosovës dhe Agjencisë së Kosovës për Emergjenca sot në orën 16:50, në kilometrin e 6-të (në hyrje të Hanit të Elezit) nga vend i aksidentit në lumin Lepenc, kanë gjetur trupin e pajetë të policit Armend Trena”, thuhet në njoftim.
Policët Armend Trena dhe Malsor Dashi dolën nga rruga bashkë me automjetin e tyre dhe përfunduan në lumë më 28 prill në lumin Lepenc, teksa po udhëtonin me veturën zyrtare në magjistralen Hani i Elezit-Kaçanit.
Trupi i pajetë i policit Malson Dashit është gjetur ekipet e zhytësve dhe vullnetarëve më 3 maj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
