Nuk kanë kaluar shumë ditë nga takimi i dy kryeministrave në takimin e tyre në Davos dhe Maqedonia ka filluar me planin e saj në drejtim të zgjidhjes së çështjes së emrit.
Premtimi i kryeministrit Zoran Zaevit i dhënë homologut të tij grek, Alexis Tsipras, për ndryshimin e emrit të autostradës dhe të aeroportit të vendit, janë bërë realitet.
Qeveria ka marrë vendim që aeroporti “Leka i Madh” të emërohet në “Aeroporti Ndërkombëtar i Shkupit”, ndërsa autostrada në Koridorin 10 të quhet “Autostrada Miqësia”.
Kryeministri Zoran Zaev tha se me vendim të Qeverisë Aeroporti “Aleksandri i Madh” është emërtuar në “Aeroporti Ndërkombëtar i Shkupit”, ndërsa autostrada përgjatë korridorit 10 ka marrë emrin “Autostrada e Miqësisë”, raporton INA.
Sipas tij, me këtë konfirmohet hapi i madh për ndërtimin e miqësisë dhe mirëbesimit me Greqinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
