Ish-kancelarja gjermane Angela Merkel tha në një intervistë për "Kathimerini" nga Athina se ajo kurrë nuk ka kërkuar daljen e Greqisë nga eurozona. Merkel tha se qëndrimi i saj çoi në tensione me ministrin e Financave, Wolfgang Schauble, i cili donte daljen e Greqisë nga zona euro.
“Në vitin 2011, vendosa që duhej të bënim gjithçka që kishim në dorë për ta mbajtur Greqinë në euro. Kishim tensione për këtë çështje me Schauble-n, i cili donte që Greqia të dilte.”
Ajo shtoi se, duke e ditur që Schauble donte një Grexit, e ftoi atë ta shoqëronte në Bruksel për një takim kyç mbi krizën dhe e telefonoi çdo dy orë për ta mbajtur të informuar për negociatat.
“Nëse Greqia nuk do të qëndronte në eurozonë, këtë duhet ta vendosnin qytetarët grek, jo ne”.
Vizita e saj në Athinë erdhi vetëm disa ditë përpara përvjetorit të dhjetë të referendumit të shpëtimit të vitit 2015, më 5 korrik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
