Dako reagon për protestën e PD-së: Balta e tyre më nderon, përgjigjen do ta marrin në qershor

Dako reagon për protestën e PD-së: Balta e tyre më nderon, përgjigjen do ta marrin në qershor

Kreu i Bashkisë së Durrësit ka reaguar ndaj protestës që deputetë dhe anëtarë të Partisë Demokratike zhvilluan sot para institucionit që ai drejton. Pas protestës së demokratëve, të cilët kërkuan largimin e Dakos me arsyetimin se ka bërë të mundur lirimin nga burgu të kreut të bandës së Durrësit, kryebashkiaku përmes një deklarate për mediat e ka cilësuar këtë përpjekjen e radhës së SHQUP­-it, për falsifikimin e një historie që nuk ka lidhje me të.

“E ndoqa me keqardhje përpjekjen e sotme të Shqupit për të vazhduar falsifikimin publik të një historie që s’ka asnjë lidhje me mua. Unë jam kryetar bashkie dhe bëj vetëm detyrën time, me ndershmëri e pasion politik për qytetin tim dhe këtë qytetarët e Durrësit e dinë aq mirë sa më kanë vlerësuar me votën e tyre në rritje tre herë rresht. Detyrën për të dënuar apo liruar njerëzit nga burgu e kanë gjykatësit dhe gjykatat e Shqipërisë. Këtë edhe trimat e Shqupit e dinë shumë mirë, por trimëria e tyre është vetëm për të sharë, shpifur dhe falsifikuar të vertetën, jo për të denoncuar gjykatësit e korruptuar që janë edhe aleatët me të zellshëm të Shqupit”, tha Dako.

Kryebashkiaku i Durrësit shprehet se përgjigjen për kërkesën e demokratëve do ta marrin në zgjedhjet e qershorit.

“Në vend që të shkojnë të protestojnë tek Gjykata Kushtetuese për të nxjerrë pa humbur kohë vendimin për Vetingun, trimat e Shqupit vijnë si një çetë e shpartalluar përpara bashkisë për të hedhur baltë mbi mua. Por balta e tyre vetëm më nderon dhe më motivon më shumë në betejën tonë me ta. Ne jemi e ardhmja, ata janë vetëm e shkuara. Le të vazhdojnë se qershori po vjen dhe Durrësi do ta japë përsëri përgjigjen për kërkesën e tyre të papranueshme për t’u rikthyer në pushtet pasi rrënuan Shqipërinë”, shprehet ai.

 

MCN Radio logo
MCN Radio
103.1 FM
Drupal Ad
Drupal Ad
MCN Radio logo
MCN Radio
103.1 FM
Radio
Intro

MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.

Kategoritë
Streaming

MCN TV

MCN Radio

Contact

info@mcn.tv.al

+355 422 00200

All rights reserved. MCN 2025

Terms and ConditionsPrivacy Policy