Mediat italiane kanë shkruar sërish për shqiptarin Enriges Kavalli, 20 vjeçarin i cili disa kohë më parë rrëmbeu dy infermiere nga spitali dhe përdhunoi njërën prej tyre.
I riu kishte mbërritur në qendrën mjekësore për një kurim dhe ishte nën një masë sigurie, kur papritmas ka rrëmbyer dy infermiere. Njërën e ka përdhunuar për një natë të tërë, ndërsa infermierja tjetër ka qenë e lidhur dhe dëshmitare e tmerrit.
Prokuroria ka kërkuar për të riun shqiptar 10 vjet burg dhe një gjobë të majme. Aktualisht Enriges Kavalli ndodhet në burgun e Teramos në Itali.
Dy infermieret në fjalë nuk kishin qenë viktimat e para të përdhunuesit serial, pasi 3 vite më parë i riu nga Shqipëria kishte rrëmbyer një tjetër infermiere nënë kërcënimin e armës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
