Dhoma e Ulët e Parlamentit të Rusisë ka votuar njëzëri për të zgjatur ndalimin e të ashtuquajturës "propagandë homoseksuale". Sipas versionit më të fundit të ligjit, çdo promovim i homoseksualitetit, përfshirë në libra, filma dhe në internet është i paligjshëm dhe mbart dënime të rënda.
Ai u quajt ligji "Përgjigjja ndaj Blinken", pasi sekretari amerikan i shtetit Antony Blinken e kritikoi atë si një "goditje për lirinë e shprehjes". Aktivistët thonë se kjo është një përpjekje e mëtejshme për të shtypur komunitetin LGBT të Rusisë. Ai u miratua me 397 vota kundër asnjë në Duma, dhoma e ulët e Rusisë, pa asnjë abstenim.
Projektligji ende duhet të kalojë në dhomën e sipërme dhe të nënshkruhet nga presidenti Vladimir Putin, por kjo shihet kryesisht si një hap administrativ. Versioni origjinal i ligjit të diskutueshëm të "propagandës së homoseksualëve" u miratua në vitin 2013, duke ndaluar "propagandën e marrëdhënieve seksuale jo-tradicionale" - përshkrimet e marrëdhënieve të të njëjtit seks - midis fëmijëve.
Reklamat, librat dhe filmat me prezantime pozitive të personave LGBT do të ndalohen, duke ngritur shqetësime nga botuesit që kanë paralajmëruar se mund të prekë klasikët e letërsisë ruse.
Çdo diskutim në internet rreth temave LGBT mund të bllokohet dhe shitja e mallrave me slogane ose simbole LGBT do të ndalohet gjithashtu.
Kushdo që shkel ligjin do të përballet me një gjobë deri në 400,000 rubla (6,600 dollarë), ndërsa kompanitë mund të duhet të paguajnë deri në 5 milion rubla (82,100 dollarë). Të mërkurën, Anthony Blinken i kërkoi Rusisë të heqë dorë nga projektligji "dhe të respektojë të drejtat e njeriut dhe dinjitetin e të gjithëve".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
