Nesër më 24 shtator, qytetarët do të vendosin me votën e tyre kryetarin e ri të bashkisë së Kukësit, mes kandidatëve, Albert Halilaj nga Partia Socialiste dhe Emri Vata i koalicionit “Bashkë Fitojmë”.
Të dielën do të përsëriten zgjedhjet në Kukës, ku kanë të drejtën e votës 45 946 zgjedhës.
KQZ ka organizuar 74 qendra votimi, ku identifikimi i votuesve do të kryhet në mënyrë elektronike me pajiset digjitale; ndërsa procesi i votimit dhe i numërimit në metodën tradicionale, manualisht.
Kur në 14 maj morën pjesë në këtë zonë zgjedhore 23 404 kuksianë, me interes pritet pjesëmarrja e zgjedhjeve të pjesshme në këtë bashki ku kandidojnë socialisti Albert Halilaj dhe demokrati Emri Vata. Pjesëmarrësve në votim do t’u dorëzohet vetëm një fletë votimi, ajo për kryetarin e bashkisë, pasi për këshillin bashkiak gjithçka mbetet sipas rezultatit të 14 majit.
Zgjedhjet në Kukës vijnë pas zbulimit të video-skandalit, ku ish-kryebashkiaku Safet Gjici shfaqej në intimitet me shtetasen e identifikuar si Alma K. brenda në ambientet e zyrës.
Ai që prej fundit të qershorit ndodhet dhe akuzohet nga SPAK për “korrupsion pasiv”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
