Demokracia e Re e udhëhequr nga kryeministri Kyriakos Mitsotakis shënoi një fitore në zgjedhjet e të dielës, megjithatë nuk ka ende numrat e nevojshëm për formimin e një qeverie e vetme.
Demokracia e Re fitoi me një epërsi 40.8%, duke mposhtuar thellë SYRIZA-n, që arriti të merrte vetëm 20,1 për qind.
Sistemi zgjedhor proporcional nuk e lejon Mitsotakis të sigurojë shumicën e 300 vendeve në Parlamentin grek. Për të formuar qeverinë e re Mitsotakis duhet të kërkojë një partner koalicioni nga partitë e vogla, ose të shkojë në zgjedhje të dyta.
Zgjedhjet e dyta, që ka të ngjarë të mbahen në fund të qershorit ose në fillim të korrikut, do të zhvillohen sipas një ligji të ri zgjedhor që i jep vende bonus partisë fituese, duke i bërë më të lehtë formimin e qeverisë e vetme.
Tsipras ka telefonuar dje në mbrëmje kryeministrin për t’i uruar fitoren. “Rezultati është jashtëzakonisht negativ për SYRIZA-n,” tha Tsipras në deklaratat fillestare pasi humbja dramatike e partisë së tij u bë e qartë.
Tsipras tha se partia e tij do të mblidhet për të shqyrtuar rezultatet dhe mënyrën se si ato erdhën. “Megjithatë, cikli zgjedhor nuk ka përfunduar ende,” tha ai. “Nuk e kemi luksin e kohës. Ne duhet të kryejmë menjëherë të gjitha ndryshimet që nevojiten në mënyrë që të mund të luftojmë betejën e ardhshme vendimtare dhe përfundimtare zgjedhore me kushtet më të mira të mundshme", shtoi Tsipras.
Duke nisur nga sot, presidentja greke Katerina Sakellaropoulou do t'u japë tre partive kryesore - Demokracisë së Re, Syriza-s dhe PASOK-ut socialist, tre ditë kohë për të tentuar të formojnë një qeveri koalicioni. Nëse përpjekjet dështojnë, Sakellaropoulou do të emërojë një qeveri të përkohshme për të përgatitur zgjedhjet e reja rreth një muaj më vonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
