Kreu i Kishës Ortodokse të Ukrainës u bëri thirrje priftërinjve që të mos kremtojnë meshën e Pashkëve në zonat e luftës për arsye sigurie.
Kyiv Independent raporton se mitropoliti Epiphanius, u ka kërkuar rusëve ndalimin e bombardimeve më 24 prill, ditën e Pashkëve Ortodokse, ndonëse shprehet se nuk beson se Moska do t’ia plotësojë kërkesën.
Ditët e fundit, autoritetet ukrainase paralajmëruan se Rusia mund të sulmonte kishat ortodokse në Pashkë.
Në fakt, në mediat ruse u shfaqën lajme për planet e forcave ukrainase për të bombarduar kishat më 24 prill.
Sipas Këshillit të Ukrainës për Mbrojtjen, Sigurinë dhe Kundër Dezinformimit, diçka e tillë mund të tregojë se rusët duan të godasin kishat dhe të akuzojnë ukrainasit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
