Këto janë qytetet më të shtrenjta në botë për vitin 2021

Në të gjithë botën, 2021-shi ka qenë një vit i vështirë për kuletat.

Bllokimi i zinxhirit të furnizimit dhe ndryshimi i kërkesës së konsumatorëve ka rritur koston e jetesës në shumë prej qyteteve më të mëdha, sipas një studimi të ri.

Një qytet ka përjetuar ndryshime më të shpejta se shumica, duke u ngjitur nga vendi i pestë në të parin në indeksin e kostos botërore të jetesës së këtij viti të publikuar nga Njësia e Inteligjencës Economist (EIU).

Qyteti izraelit, Tel Avivit kryesoi renditjen për herë të parë, duke tejkaluar liderin e vitit të kaluar Parisin, i cili tani barazohet në vendin e dytë me Singaporin.

EIU ia atribuon rritjen e mprehtë të Tel Avivit me rritjen e çmimeve të ushqimeve, transportit dhe fuqisë së shekelit izraelit kundrejt dollarit amerikan, shkruan CNN.

Indeksi i kostos botërore të jetesës për vitin 2021 analizon koston e jetesës në 173 qytete globale, 40 më shumë se vitin e kaluar dhe krahason çmimin e më shumë se 200 produkteve dhe shërbimeve të përditshme.

Të dhënat për sondazhin, i cili është kryer për më shumë se tre dekada, mblidhen nga ekipi global i studiuesve të EIU-së çdo mars dhe shtator.

Indeksi krahasohet me çmimet në qytetin e Nju Jorkut, prandaj qytetet me monedha që janë më të forta kundrejt dollarit amerikan ka të ngjarë të shfaqen më të larta në renditje.

Zyrihu dhe Hong Kongu janë respektivisht në vendin e katërt dhe pestë, pasi kanë mbajtur vendin e parë vitin e kaluar krahas Parisit. Nju Jorku, Gjeneva, Kopenhaga, Los Anxhelosi dhe Osaka përfundojnë

EIU raporton se mesatarisht, çmimet për mallrat dhe shërbimet e mbuluara nga indeksi janë rritur me 3.5% nga viti në vit, krahasuar me një rritje prej vetëm 1.9% vitin e kaluar.

Këto probleme të shumë raportuara globale të zinxhirit të furnizimit kanë kontribuar në rritjen e çmimeve. Pandemia Covid-19 dhe kufizimet sociale po ndikojnë ende në prodhimin dhe tregtinë në mbarë botën.

Rritja e çmimeve të naftës shkaktoi një rritje prej 21% të çmimit të benzinës pa plumb, raporton EIU, por ka pasur edhe rritje të mëdha të çmimeve në kategoritë e duhanit dhe kujdesit personal.

Qyteti me rritjen më të lartë në vitin 2021 ishte qyteti iranian i Teheranit, i cili u ngjit me 50 vende nga nr.79 në nr.29 pasi sanksionet e SHBA rezultuan në mungesa dhe çmime më të larta.

Qyteti sirian i Damaskut renditet edhe një herë si qyteti më i lirë në botë, pasi ekonomia e tij e tij është e shkatërruar nga lufta.

Qytetet më të shtrenjta në botë për të jetuar 2021

1. Tel Aviv, Izrael

2. Paris, Francë

2. Singapor

4. Cyrih, Zvicër

5. Hong Kongu

6. New York City, Nju Jork

7. Gjenevë, Zvicër

8. Kopenhagë, Danimarkë

9. Los Anxhelos, Kaliforni

10. Osaka, Japoni

11. Oslo, Norvegji

12. Seul, Koreja e Jugut

13. Tokio, Japoni

14. Vjenë, Austri

14. Sydney, Australi

16. Melburn, Australi

17. Helsinki, Finlandë

17. Londër, MB

19. Dublin, Irlandë

19. Frankfurt, Gjermani

19. Shanghai, Kinë