Një vajzë nga Kosova ka rënë pre e një agresioni seksual teksa po ecte në rrugët e qytetit të Pejës. Bëhet fjalë për alpinisten Mrika Nikçi e cila ka publikuar një video që shfaq momentin e ngjarjes së shëmtuar.
“Me datë 27. 09.2022, në ora 20.50, në qendër të qytetit te Pejës isha viktimë e sulmit seksual, veprim vandal i cili është kryer me paramendim nga personi F.B, anëtarë i një familje të njohur në qytetin e Pejës”, shkruan Nikçi në llogarinë e saj në Facebook sipër videos që e ka publikuar.
“Si pasojë e kësaj situate, për momentin jam në gjendje të rëndë emocionale dhe nuk mund të deklarohem në tërësi. Pas vendimit të plotfuqishëm të Gjykatës do të ju njoftoj për rrjedhën e situatës dhe sulmuesin e paskrupull”, vijon ajo.
Prokuroria Themelore në Pejë ka njoftuar sot se e ka arrestuar të dyshuarin me inicialet F.B.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
