Partia Demokratike akuzon maxhorancën se po e përjashton opozitën nga përfaqësimi në Autoritetin e Hapjes së Dosjeve, një mekanizëm që do t’I vijë në ndihmë zbatimit të reformës në drejtësi.
Në emër të Partisë Demokratike, nënkryetari i Parlamentit, Edmond Spaho, tha se opozita është përjashtuar nga ky komision prej 5 anëtarësh, pavarësisht se me nënkryetarin e grupit parlamentar socialist, Taulant Balla, ka pasur një marrëveshje verbale për përfaqësimin e të dy krahëve politikë.
“Rama me një gur do të kapë dy zogj. Kuvendi para disa kohësh ka miratuar ligjin për hapjen e dosjeve të ish-Sigurimit. Në ligjin e vetingut miratuar para disa muajsh, u kërkua që prokurorët ddhe gjykatësit e rinj në sistem të verifikohen për lidhjet me të shkuarën komuniste.
Dy do të jenë strukturat që verifikojnë gjykatësit dhe prokurorët e sistemit të ri: ILDPK-ja dhe Autoriteti I Hapjes së Dosjeve, që do të ketë në përbërje 5 anëtarë, një nga Këshilli i Ministrave, një nga shoqëria civile, 1 nga ish-të përndjekurit dhe 2 nga Kuvendi. Për këto dy të fundit kam kontaktuar me kolegun Balla dhe ramë dakord që të sigurohet përfaqësimi i të dy krahëve të spektrit politik të Kuvendit. Por maxhoranca synon të marrë shumicën, duke e përjashtuar opozitën nga autoriteti. Në mbledhjen e djeshme të Komisionit të ligjeve nuk u respektua marrëveshja verbale mes meje dhe Ballës”, tha Spaho.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
