Qarku i Shkodrës ka paraqitur mjaft probleme si pasojë e rënies së reshjeve të dëborës. Kjo ka bërë që disa zona dhe akse rrugore të bllokohen dhe të kenë mungesë të energjisë elektrike.
Mjetet e ushtrisë kanë zbarkuar në terren, për të bërë të mundur zhbllokimin e aksit rrugor Bogë-Qafë Thore. Prefektura e Shkodrës bën me dije se vijon puna në terren për normalizimin e gjendjes dhe zhbllokimin e rrugës me një buldozer të ushtrisë, për hapjen e këtij segmenti tejet të vështirë dhe shumë të rrezikshëm.
Ndër të tjera mësohet se ecuria në kohë dhe km për zhbllokimin e aksit po bëhet në varësi të kushteve klimaterike ndërkohë mjetet janë në punë dhe po punojnë çdo ditë në kushte shume të vështira si shkak i rënies së borës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
